Presentación del Proyecto en FITUR

Esta tarde vimos de presentar os recursos e produtos turísticos do Xeodestino Ancares Terras de Burón no stand de Galicia de FITUR. A convocatoria foi todo un éxito de asistencia en canto a público e a profesionais interesados en coñecer todo o que o noso territorio ten para ofrecer.
Nesta cita presentamos a nosa estratexia de ‘Ecoturismo en Red’, baseada nos recursos do territorio e nas persoas que o habitan para crear propostas turísticas sostibles e de calidade.
👉 Pasaporte Gastronómico de Ancares Terras de Burón. Un percorrido polo noso territorio en 14 feiras e festas gastronómicas.
👉 Rede de Micropaisaxes. Máis de 144 puntos xeolocalizados para descubrir os rincóns e elementos máis singulares que nos rodean.
👉 Cociña de Ancares Terras de Burón. Experiencias que vertebran o territorio ao redor da gastronomía e os alimentos de calidade que se producen aquí.
Fe Álvarez, xerente do Xeodestino e Alberto Uría, apicultor e propietario do ecomuseo El País del Abeyeiro, foron os encargados de conducir a presentación, que rematou cunha degustación dos bombóns de mel que elabora Alberto en Negueira de Muñíz e que foron un rotundo éxito.
O noso agradecemento a todas as autoridades que se achegaron tamén a darnos o seu apoio e visibilidade. Seguimos traballando!

Follow us on Social Media