O vindeiro día 7 de novembro terá lugar unha visita ao Parque Natural de Fuentes del Narcea, Degaña e Ibias que organizamos xunto ao GDR Alto Narcea Muniellos.
Está dirixida ás persoas interesadas no ecoturismo e as persoas que desenvolven a súa actividade profesional en ámbitos relacionados, como poden ser membros da administración local, técnicos e técnicas de turismo, emprendedoras do entorno, empresarios…
É importante facer a reserva antes do día 5 de novembro nos teléfonos 696 144 429 ou 982 355 290.
A saída será ás 7 da mañá dende Pedrafita do Cebreiro e o programa é o seguinte:
- Recepción ás 10 da mañá polos alcaldes de Cangas del Narcea, Ibias e Degaña, no salón de plenos do Concellos de Cangas del Narcea.
- Ás 11 comeza a visita guiada por Cangas del Narcea.
- Ás 12 faremos unha visita guiada por Asturias Apícola no lugar de Tebongo.
- Ás 13 horas visitaremos a bodega Monasterio de Corias.
- Ás 14.30 faremos unha pausa para comer en Casa del Río, en Cangas del Narcea.
- Logo de comer, ao redor das 16.30 horas, teremos un encontro coa Asociación de Turismo Rural Fuentes del Narcea para falar sobre Desenvolvemento ecoturístico. Atoparemonos en Posada de Rengos.
