As Nogais recupera a Ruada de 1900, reivindicándose como Terra de Camiños
A Asociación Cultural Abrente, en colaboración co Concello de As Nogais e con outras entidades recuperou o pasado día 11 a Ruada de 1900, que se vira suspendida pola pandemia. Nesta edición reivindicouse o papel de As Nogais como Terra de Camiños dende a peregrinación do Monse alemán Hermann Künig, ata 1900.
Organizouse unha andaina polo tramo de Pedrafita As Nogais da Vía de Künig, na que preto de 70 persoas puideron coñecera ruta, da man da asociación de Amigos do Camiño da Vía de Künig.
Houbo actuacións de música e baile durante toda a xornada a cargo das aulas de Abrente e da Banda de As Nogais. A tardiña celebrouse un concurse de caracterizacións de 1900, nas que se premiaron as mellores caracterizacións acordes ca temática do evento.
O colofón final á xornada púxoo un concerto das cantareiras de Abrente, e a obra Hermann Künig , soñando o Camiño Xacobeo, a cargo do grupo de teatro de Abrente. Esta representación á que acudiron alcaldes e concelleiros dos concellos da Vía de Künig, puxo de manifesto as vivencias e o choque cultural da chegada dun monxe alemán a terras da montaña de Lugo. A obra contou ca financiación do programa O Teu Xacobeo da Xunta de Galicia.
O escribiente, enviando as cartas ós familiares emigrados
O sr. Cura e o taberneiro, hai que arrimarse a boa compañía
A Banda de As Nogais, os músicos nunca faltan en ningunha festa
Dúas señoras que viñeron de ruada
Pepe e Alberto, dixeron: pois xa que viñemos desfilamos
O público vendo desfilar as mellores galas de 1900
de que falarán o sr. Cura e estas damas da alta sociedade?
Marcos ós controis, para que a mensaxe de amor de Künig se escoitase nítida
E chegou Künig, Ai meu Deus! pero isto que é? É o mismisimo demo do inferno
Ahora que xa sabemos que non é o demo, traerá cartos para pagar a pousada?
Künig soña cuns bailaríns movéndose ó ritmo dun vals, serán os de Abrente?
A nobre Sra de Valcarcel, terá a fortuna de cruzarse co monxe alemán
