Cervantes

Desde as neves do inverno aos intensos verdes da primavera, a paisaxe cervantega cambia con cada estación ao ritmo que marca a natureza. A impoñente Serra dos Ancares domina o horizonte e o río Ser ou o Cancelada esculpen os vales. Pero Cervantes non é só paisaxe, a aldea de Piornedo conserva a arquitectura tradicional das pallozas e o Castro de Santa María, xunto co Castelo de Doiras, son testemuñas do paso do tempo e das xeracións neste municipio.