O 12 de agosto de 2026 Galicia converterase nun dos lugares privilexiados do mundo para observar un dos fenómenos astronómicos máis espectaculares que existen: un eclipse solar total.
Durante uns minutos, a lúa cubrirá completamente o sol e o día transformarase nunha especie de solpor repentino. Un momento único que non volverá repetirse con estas condicións en España ata o ano 2180.
Dentro de Galicia, hai un lugar que destaca especialmente para vivir esta experiencia: o Xeodestino Ancares-Terras de Burón, un territorio de montaña onde a natureza, o silencio e a escuridade do ceo crean o escenario perfecto para observar o eclipse.
Un dos mellores sitios de Galicia para ver o eclipse de sol.
Situado no extremo oriental da provincia de Lugo, na fronteira con León, o xeodestino Ancares-Terras de Burón é unha das contornas naturais mellor conservadas de Galicia.
A escasa contaminación lumínica fai que este lugar sexa perfecto para observar o ceo nocturno. Non por casualidade, Os Ancares están recoñecidos como destino Starlight, un selo que distingue os territorios con mellor calidade de ceo para a observación astronómica.
Durante o eclipse de 2026, contemplar como o sol desaparece detrás das montañas mentres a escuridade cobre os vales será unha experiencia difícil de esquecer.
Ademais do espectáculo astronómico, o territorio ofrece unha paisaxe espectacular formada por bosques frondosos, vales profundos, monumentos históricos e pequenas aldeas tradicionais que conservan a esencia do rural galego.
Concellos do Xeodestino Ancares – Terras de Burón para ver o eclipse solar: horarios.
Lugo será a provincia galega con maior presenza de franxa de totalidade, de feito, a maior parte do territorio estará en totalidade incluído o xeodestino Ancares-Terras de Burón.
Velaquí os horarios por municipio que forma parte do Xeodestino:
A Fonsagrada:
- Inicio eclipse: 19:31:30
- Fin eclipse: 21:21:49
- Máximo: 20:28:29
Baralla:
- Inicio eclipse: 19:31:54
- Fin eclipse: 21:22:13
- Máximo: 20:28:53
Baleira:
- Inicio eclipse: 19:31:41
- Fin eclipse: 21:22:03
- Máximo: 20:28:41
Becerreá:
- Inicio eclipse: 19:31:59
- Fin eclipse: 21:22:15
- Máximo: 20:28:57
Cervantes:
- Inicio eclipse: 19:31:58
- Fin eclipse: 21:22:11
- Máximo: 20:28:54
Láncara:
- Inicio eclipse: 19:31:56
- Fin eclipse: 21:22:20
- Máximo: 20:28:58
Meira:
- Inicio eclipse: 19:31:19
- Fin eclipse: 21:21:46
- Máximo: 20:28:21
Navia de Suarna:
- Inicio eclipse: 19:31:48
- Fin eclipse: 21:22:02
- Máximo: 20:28:44
As Nogais:
- Inicio eclipse: 19:32:05
- Fin eclipse: 21:22:18
- Máximo: 20:29:01
Negueira de Muñiz:
- Inicio eclipse: 19:31:31
- Fin eclipse: 21:21:44
- Máximo: 20:28:26
Pedrafita do Cebreiro:
- Inicio eclipse: 19:32:14
- Fin eclipse: 21:22:24
- Máximo: 20:29:08
Pol:
- Inicio eclipse: 19:31:27
- Fin eclipse: 21:21:54
- Máximo: 20:28:30
Ribeira de Piquín:
- Inicio eclipse: 19:31:21
- Fin eclipse: 21:21:45
- Máximo: 20:28:22
A Pontenova:
- Inicio eclipse: 19:31:05
- Fin eclipse: 21:21:31
- Máximo: 20:28:07
Se buscas fuxir das multitudes e gozar dunha contorna natural única e tranquila, o Xeodestino Ancares-Terras de Burón é para ti. Podes usar a nosa web para preparar a túa viaxe!
