A 1ª Andaina Xubileo Ancares celebrouse entre San Pedro de Tortes e San Pedro de Cadoalla
A 1ª Andaina Xubileo Ancares, celebrada o pasado domingo 9 de febreiro, foi un auténtico éxito de participación e ambiente. Ducias de persoas se animaron a achegarse a Becerreá para realizar a peregrinaxe entre San Pedro de Tortes e San Pedro de Cadoalla, nunha proposta lanzada polo Grupo de Desenvolvemento Rural Montes e Vales Orientais coa intención de ir dando a coñecer os catro lugares de peregrinación existentes no Xeodestino Ancares Terras de Buron que permiten ganar o Xubileo que se celebra neste ano 2025.
As persoas asistentes puideron coñecer de primeira man os dous templos que serviron de saída e meta a esta ruta poñendo en valor os recursos e tradicións locais existentes na zona e que teñen un gran interese e atractivo para a xente que visita o territorio. É por iso que é labor de todos coidar e conservar os legados culturais e naturais que deixaron os nosos antepasados.
Natalia, da Herboristería San Juan, seleccionou unha mostra dos produtos locais que vende no seu establecemento; María, da gandería Vianesas D’acolá, preparou unha degustación dunha saborosa lingua estofada, que se acompañou con zumes das Ribeiregas e Cervexas Píntega, que tirou Juan Pablo. Así mesmo, tamén houbo empanadas de Branca de Nullán e as tortillas que fixo Pepita cos ovos que comercializa baixo a marca O Retiro.
Menudas delicias que temos na Cociña de Ancares Terras de Burón!
Próxima cita
O GDR Montes e Vales Orientais xa está preparando a seguinte xornada de peregrinación, que se celebrará o vindeiro de 22 de marzo e que terá como meta o santuario de San Bernabé, en Baleira. Trátase dunha pequena capela de planta rectangular e con presbiterio da mesma forma, maior mesmo que a propia nave, que se atopa na parroquia de Santiago de Martín, a uns 20 quilómetros do centro do Cádavo. Feita con muros de mampostería de pizarra, a súa festividade celébrase o 11 de xuño. Atópase moi preto do Camiño Primitivo, que pasa polo centro de Baleira.
