O Xeodestino Terras de Burón desembarca en Menorca!
A xerente do GDR Montes Vales Orientais e do Xeodestino Ancares Terras de Burón, Fe Álvarez, representa ao noso territorio no V Congreso Nacional de Ecoturismo que se celebra na illa balear de Menorca, un encontro de referencia entre todos os actores implicados no ecoturismo en España que congrega a máis de 200 participantes de todo o país.
O noso territorio, que posúe tres Reservas de Biosfera e o 47% da superficie Red Natura de toda a provincia de Lugo non podía faltar nun encontro deste nivel! Un escaparate único para presentar o noso modelo turístico baseado na sustentabilidade e a natureza e os proxectos que actualmente temos en marcha: Cociña de Ancares Terras de Burón e Déixate Marabillar.
E si, marabillamos a todo o país cos encantos do noso territorio!
Ademais, traemos máis boas novas… O ano que vén xogamos na casa! Galicia será a anfitrioa da VI edición do Congreso Nacional De Ecoturismo, concretamente, os nosos veciños da Reserva de Biosfera Mariñas Coruñesas e Terras do Mandeo.
Ata que a esperada cita chegue, vive o ecoturismo en Ancares Terras de Burón e déixate marabillar pola natureza en estado puro.
