Navia de Suarna

Os amantes da natureza e da vida tranquila, poden desfrutar en Navia de fermosos percorridos polos vales do río Navia e os seus afluentes, como poden ser o Rao, o Bullán ou o río Ser. Unha visita obrigada é a Proba de Navia de Suarna, que conserva o encanto dunha pequena vila de montaña, na que se concentran a maior parte dos servizos do municipio. Nesta vila pode verse o Castelo da Proba, ou a ponte medieval; tamén desfrutar da Festa da Androlla. Nun percorrido polo municipio, pódense atopar diferentes aldeas que conservan moitas mostras da arquitectura tradicional da montaña, como hórreos, casas ou cortíns para protexer as abellas do oso pardo.