Ribeira de Piquín

Situado na ribeira do río Eo, este municipio ten unha impresionante paisaxe, marcada polos profundos vales, que se pode admirar desde algún dos seus miradores repartidos polo territorio. Un lugar ideal para a práctica deportiva na natureza, con rutas de cicloturismo e sendeirismo e con diferentes coutos de pesca fluvial. O patrimonio natural e a arquitectura tradicional e eclesiástica están perfectamente integrados e así podemos visitar lugares como a fervenza de Portelos, as igrexas de San Xoan dos Baos e San Xurxo ou as áreas recreativas de Chao de Pousadorio e A Retorta.