Pedrafita do Cebreiro

En torno aos mil metros de altitude sobre o nivel do mar e a cabalo entre a Serra dos Ancares e a Serra do Courel, aséntase Pedrafita do Cebreiro. Sendo a aldea do Cebreiro o punto máis coñecido deste municipio como porta de entrada do Camiño de Santiago Francés en Galicia, hai nela numerosos puntos de interese que recomendamos visitar como o Museo Etnográfico do Cebreiro ou a Igrexa de Santa María a Real. O faial de Liñares ou a aldea de Louzarela son algúns dos puntos que pasan máis desapercibidos pero que merecen unha parada. A Festa do Queixo do Cebreiro (produto con Denominación de Orixe), celébrase cada Semana Santa e está declarada Festa de Interese Turístico de Galicia.